قتلو و نحل الباب..... بقلم الشعالة

السلام عليكم ان شاء الله تكونو بخير

اليوم غادي نهدر على واحد الواقعة حدثت في الصيف.

كان الصهد بزاف او كنا ساكنين حدا واحد الحصيدة (( فيها الحنوشا))

المهم واحد النهار كونت ناعسة او نضت فاليل لبيت الراحة وكانت المفاجأة

لقيت حنش كبيييير قدام لباب المشكل مايسحابليش حنش (( يصحاب لي صمطة)) غير شعلت الضو و هوا يتحرك صرخت صرخة مدووييية حتى فيقت مالين الدار كاملين

جات الوالدة و الوالد كايجريو بدات ماما كاتغوت مشا بابا جاب عصا كبيرة باش يقتلو

لسوء الحظ كان الحنش فالدروج او الاضاءة ماكايناش او فوق هادشي سدات الوالدة باب الفصيل على الواليد

بقا الواليد كايغوت (( واغير حلي الباب نشوف آش كاندير ))

ـ ماشغلييييش قتلو و نحل الباب

المهم بقا الواليد يضارب باش يشوفو والاكين فالآخر قتلو

تقبلوا مني موضوعي المتواضع مع تحياتي المشتعلة[u][i][b]