بقلمي اهداء اللي ليبيا الحبيبة
الله اكبر ياليبيا شاكيهم ---من طاغي كافر انشهر بأجرامه
الله اكبر يا ليبيا ناديهم ---ايلبوا نداك جلاّيين ظلامه
الله اكبر يا ليبيا وريهم ---طريق الشهادة ايتنافسوا الجلهامه
الله اكبر الدم روا ماظيهم---فراسين نقشو فـ التاريخ علامه
الله اكبر اطراف ضحو بيهم ---نالو الشرف أبطال اصحاب كرامه
الله اكبر اعراض من ناسيهم ---فوق روسنا ماننسو سود ايامه
شيب وشباب جو علي كرعيهم---مايهمهم طاغي ولايهمهم ازلامه
من كل حي وصوب جو بخلو ايديهم---وقت الشدايد تريس هم مقدامه
كبروا وتنادو والله هو راعيهم ---سبحان ربي طبق عليه كلامه
مده فـطغيانه هاللي بالشر ناويهم---وبحكمته هدم عليه اصروح اخيامه
الله اكبر يا بلادنا علّيهم---برواحهم ضحو ومايبوش غرامه
موضوع: الله اكبر 
الأحد أبريل 29, 2012 10:36 pm
